Sirjan ta’ 26 sena tressaq b’arrest fil-Qorti t’Għawdex quddiem il-Maġistrat tal-għassa Dr Bridgette Sultana mixli kkaġuna ġrieħi gravi fuq Sirjan ieħor u ġrieħi ħfief fuq mara u raġel mill-Polonja, li kiser il-bon ordni kif ukoll li saq b’mod traskurat.
L-imputat wieġeb mhux ħati tal-akkużi u ngħata l-ħelsien mill-arrest taħt diversi kundizjonijiet.
Il-każ seħħ il-Ħadd li għadda fis-7:30 a.m fi Triq il-Port f’Marsalforn Għawdex. Minn stħarriġ li għamlet il-Pulizija rriżulta li kien seħħ argument bejn l-erba’ persuni msemmija.
