Il-gowlkiper ta’ 26 sena Dean Henderson mistenni jingħaqad b’mod permanenti ma’ Nottingham Forest hekk kif il-klabb tiegħu Manchester United kisbu s-servizzi ta’ Andre Onana.
Henderson irid jilgħab futbol regolari u mhux beħsiebu jkun it-tieni għażla tal-kowċ Erik Ten Haag u għalhekk ikkonferma li jixtieq jingħaqad mal-Forest. Hu kien diġa’ qatta’ l-istaġun li għadda ma’ dan it-tim fuq bażi ta’ self fejn lagħab 18-il logħba.
Fil-passat, Henderson lagħab ukoll b’self ma’ Grimsby, Shrewsbury Town, Sheffield United u Stockport County.
