Minn Cristian Muscat
Kif bdiet l-imħabba tiegħek lejn il-futbol?
Minn età żgħira, ta’ madwar erba’ snin ħabbejt il-logħba tal-futbol u dejjem bqajt nilgħabha.
Ħa mmur mal-ewwel għall-punt. Kif qed tħares lejn l-esperjenza ġdida tiegħek ma’ Santa Lucia FC?
Ħerqan li nibda dan il-vjaġġ ġdid ma’ Santa Lucia FC. Hemm proġett li jidher tajjeb ħafna, li jfisser li qegħdin f’idejn tajbin!
Iddeskrivi l-esperjenza passata tiegħek ma’ Mtarfa FC. X’tilkkummenta fuq l-andament tat-tim matul l-istaġun li għadda?
Fl-istaġun li għadda ħadd ma emmen fina bħala Mtarfa FC u mbagħad ġie l-kowċ Rodney Bugeja u għamilna miraklu, fejn għenna nkunu tim u nemmnu f’xulxin.
Kif tqis il-livell tal-futbol Malti fil-preżent?
Naħseb li l-livell tal-futbol qed jikber speċjalment iċ-Challenge League qed isir aktar kompetittiv kull staġun.
U dak tal-grawnds fejn tilagħbu l-logħob kompetittiv tagħkom?
Il-Victor Tedesco Stadium biddlulu t-turf u rigward is-Centenary Stadium ma nistgħux ingorru … naħseb li l-kwistjoni hija l-grawnds tat-taħriġ.
Kif qed tħares lejn il-futur tiegħek fil-futbol?
Rigward il-futur tiegħi fil-futbol nimxi pass pass u staġun staġun għax il-futbol jista’ jwaqqgħek u jtellak malajr ħafna imma l-għan tiegħi huwa li nilgħab regolarment fil-Malta Premier.
Għaddi messaġġ finali lil min jixtieq jagħmel karriera ta’ suċċess fil-futbol.
Jekk trid tirnexxi fil-futbol u f’kollox fil-ħajja, ma tistax tibqa’ fil-‘comfort zone’ tiegħek!