Floriana………………..2
Hibernians…………….5
F’partita li ntlagħbet fil-Gozo Stadium, Hibernians għelbu lil Floriana bl-iskor kbir ta’ 5-2, biex żammew it-tamiet tagħhom li jiksbu post fl-Ewropa ħajjin. Dan hekk kif jittamaw li Mosta ma jirbħux l-IZIBET FA Trophy, biex imbagħad jisfurzaw decider kontra Balzan.
Hibernians fetħu l-iskor fid-disa’ minuta meta wara li rċieva minn freekick ta’ Gabriel Izquier Artiles, Yunusa Owolabi Muritala, b’daqqa ta’ ras serva lil FERDINANDO APAP li b’daqqa ta’ ras oħra minn taħt il-lasta tefa’ ġewwa.
Man-nofsiegħa logħob, il-Pawlisti rduppjaw l-iskor meta minn azzjoni oħra ta’ freekick mogħti minn Gabriel Izquier Artiles, il-goalkeeper ta’ Floriana, Duncan Formosa, kellu ħarġa erratika, li minnha approfitta FERDINANDO APAP, li permezz ta’ daqqa ta’ ras oħra tefa’ l-ballun fix-xibka, biex b’hekk irreġiistra doppjetta personali.
Eżattament qabel tmiem l-ewwel taqsima, Floriana naqqsu l-marġni tal-iskor meta freekick mill-isbaħ ta’ JAN BUSUTTIL ma ta l-ebda ċans lill-goalkeeper ta’ Hibernians, Ibrahim Kone.
Fil-50 minuta Hibernians għamluhom tlieta permezz ta’ JAKE GRECH li kellu x-xutt fil-baxx tiegħu jintemm fir-rokna tax-xibka. Dan sabiex proprju sitt minuti biss wara, l-istess JAKE GRECH skorja r-raba’ goal għall-Pawlisti, f’azzjoni kważi foto-kopja għall-goal preċedenti, biex b’hekk bħal Ferdinando Apap, irreġistra doppjetta personali.
Floriana naqqsu l-marġni tal-iskor fil-85 mnata meta wara li rċieva minn azzjoni ta’ corner is-sostitut CARLO ZAMMIT LONARDELI għola fuq kulħadd u permezz ta’ daqqa ta’ ras preċiża tefa’ ġewwa.
Iżda kellhom ikunu Hibernians li jerġgħu jiftħdu vantaġġ ta’ tliet goals u jissiġillaw ir-rebħa permezz tal-ħames goal fis-87 minuta, meta wara li rċieva minn cross, is-sostitut MATTHEW ELLUL li kien ilu biss seba’ minati fil-ground, permezz ta’ daqqa ta’ ras preċiża tefa’ ġewwa.
Floriana: 1-Duncan Formosa, 2-Adam Magri Overend, 4-Oualid El Hasni, 7-Mattia Veselji (21-Carlo Zammit Lonardelli 63), 9-Kemar Reid, 10-Jose Ulises Arias (26-Alen Melunovic 46), 17-Owen Spiteri, 19-Luca Accarino (5-Zachary Cassar 63), 25-Lorenzo Trillo, 28-Emiliano Callegari, 30-Jan Busuttil Coach: Gianluca Atzori
Hibernians: 24-Ibrahim Kone, 3-Ferdinando Apap, 4-Kurt Shaw (5-Matthew Ellul 80), 8-Jake Grech, 11-Bjorn Kristensen (6-Gonzalo Llerena Bravo 4), 13-Zachary Grech, 18-Joao Florencio, 20-Andrei Agius, 22-Gabriel Izquier Artiles (7-Thaylor Aldama 59), 23-Yunusa Owolabi Muritala, 42-Ali Diakite (10-Jurgen Degabriele 42) Coach: Silvio Vella
Referee: Andrea Sciriha
Ass. Referees: Alan Camilleri, James Muscat
Raba’ Uffiċjal: Emanuel Grech
Skorers: F. Apap 9, 31, J. Grech 50, 56, M. Ellul 87 (H), J. Busuttil 43, C. Zammit Lonardelli 85 (F)
