Santa Lucia…………….2
Hibernians……………..3
F’partita li rreġistrat xejn inqas minn ħames goals, Hibernians għelbu l-isfida ta’ Santa Lucia bl-iskor ta’ 3-2, biex b’hekk huma kisbu t-tielet rebħa konsekuttiva.
Kienu Santa Lucia li fetħu l-iskor proprju fl-ewwel periklu li ħolqu wara biss ħames minuti meta DAVIDY VALPOORT mill-viċin għeleb lill-goalkeeper tal-Pawlisti, Justin Haber.
Il-Pawlisti wettqu reazzjoni tajba u ġabu l-iskor indaqs man-nofsiegħa logħob meta corner ta’ Dunstan Vella ġie mxellef fid-direzzjoni ta’ JAKE GRECH li għeleb lill-goalkeeper tal-Luċjani, Matthew Calleja Cremona, permezz ta’ xutt sabiħ.
Mas-siegħa logħob, Hibernians reġgħu qalbu l-iskor favurihom meta Jurgen Degabriele qabeż difensur avversarju qabel xeħet cross lejn JAKE GRECH li minn pożizzjoni ideali tefa’ ġewwa.
Il-Pawlisti komplew jiddettaw il-logħob u tliet minuti biss wara aċċertaw ruħhom mir-rebħa permezz tat-tielet goal meta Murita indirizza through pass lejn JURGEN DEGABRIELE li mill-viċin tefa’ l-ballun wara Calleja Cremona.
Madankollu, Santa Lucia ma rmewx ix-xugaman anzi wettqu reazzjoni tajba u fit-80 minuta kienu sfortunati li ma naqsux il-marġni tal-iskor meta huma laqtu l-mimduda permezz ta’ Diego Pacheco Francarolli minn freekick. Iżda l-goal għalihom kellu jasal tmien minuti wara permezz ta’ freekick mill-isbaħ ta’ FRANCISCO FARIAS li ma ta l-ebda ċans lil Justin Haber.
Santa Lucia: 1-Matthew Calleja Cremona, 3-Yoel Soares, 4-Michael Johnson, 9-Davidy Valpoort, 13-Diego Francarolli (6-Nicholas Pulis 86), 14-Dexter Xuereb, 17-Jurgen Pisani (21-Jamie Carbone 87), 18-Emerson Camilleri (24-Andres Moreno 65), 20-Francisco Farias, 27-Miguel Angel Alba (10-Ayad Bah 60), 28-Zvi Jie (8-Robert Bairam 60) Coach: Pablo Cortes Sanchez
Hibernians: 16-Justin Haber, 3-Ferdinando Apap (4-Kurt Shaw 77), 7-Thaylor Aldama (13-Zachary Grech 73), 8-Jake Grech, 10-Jurgen Degabriele, 11-Bjorn Kristensen, 12-Dunstan Vella (20-Andrei Agius 73), 22-Gabriel Artiles, 23-Owolabi Muritala, 42-Ali Diakite (6-Gonzalo Llerena 90), 88-Rodolfo Soares Coach: Andrea Pisanu
Referee: Fyodor Zammit
Ass. Referees: Edward Spiteri, Thomas Debono
Raba’ Uffiċjal: Slawomir Olucha
Skorers: D. Alpoort 5, F. Farias 88 (SL), J. Grech 31, 58, J. Degabriele 64 (H)Ammoniti: M. Calleja Cremona (SL), O. Muritala. K.
