Membri mid-Dipartiment tal-Protezzjoni Ċivili jinsabu għaddejjin b’ħidma biex jikkontrollaw nirien li tkebbsu aktar kmieni f’għelieqi fl-Iklin.
In-nirien żviluppaw għall-ħabta tal-12:15 p.m fi Triq Ġuże Galea. Minnufih issejħet l-assistenza tal-pumpieri li marru fil-post biex jibdew bil-ħidma tagħhom.
Dan mhux każ remot, hekk kif fl-aħħar ġimgħat kienu rrappurtati numru ta’ każi oħrajn ta’ art agrikola li tinħakem minn nirien anke minħabba t-temperaturi għoljin li jaħkmu l-gżejjer Maltin f’dan l-istaġun.
Intant f’appelli kontinwi l-awtoritajiet qed jitolbu għar-responsabbiltà mill-pubbliku li filwaqt li jgawdi ħin ta’ rikreazzjoni mal-familja, għandu jevita li jikkawża inċidenti bħal dawn minħabba li n-nixfa kbira f’dawn iż-żminijiet tagħmilha faċli biex ħaxix niexef jispiċċa f’ħuġġieġa.
