Tkellimna wkoll mas-Segretarju Ġenerali tal-Partit Nazzjonalista Michael Piccinino li qalilna li issa li ġie komplut il-grupp parlamentari Nazzjonalista li mil-lum stess jibda bil-qadi ta’ dmirijietu.
Żied jgħid li mil-lejla stess se jkun qiegħed jiltaqa’ b’mod komplet għall-ewwel darba l-grupp parlamentari. Għada wkoll se jkun qiegħed jiltaqa’ l-Eżekuttiv tal-partit biex ikun jista’ jibda l-proċess skont ma jitlob l-istatut biex issir l-elezzjoni tal-Kap.
Piccinino qal li din hija t-triq li hemm bżonn biex finalment il-partit jissaħħaħ u jkun jista’ jkun verament gvern alternattiv.
