Floriana Young Stars kisbu rebħa importanti fil-Kampjonat Nazzjonali tal-Hockey wara li għelbu lil White Hart 3-0.
Il-Greens ma sabuhiex daqshekk faċli biex jinfdu lid-difiża ferm organizzata ta’ White Hart u kien biss fit-tielet u r-raba’ quarter li aċċertaw ruħhom mir-rebħa finali.
Clive Williams, Joe Ellul Turner u Anton Saliba skorjaw il-gowls deċiżivi għat-tim tagħhom.
Umpires kienu Dario Cacopardo u Keith Calleja.
Fil-kampjoant tal-Hockey 7s, Qormi Daikin għelbu lil Rabat 3-0.
Qormi skorjaw il-gowls tagħhom fit-tielet u r-raba’ quarters permezz ta’ John Williams, Wyatt Magri u Ayrton Falzon.
Umpires kienu Alessandro Amore u Karl Chircop.
Mill-kampjonat ta’ taħt is-16-il sena, Marsaskala Heat għelbu lil Floriana Young Stars 2-0. Il-gowls ġew skorjati fit-tielet quarter permezz ta’ Kayden Cassar u Jamie Gambin.
Umpires kienu Oscar Toledano u Silvio Peralta.
F’logħba mill-kampjonat ta’ taħt l-14-il sena, Qormi Daikin rebħu lil Floriana Young Stars 8-1.
Zain Lee Carabott skorja l-ewwel erba’ gowls għall-Qriema filwaqt li Eyen Toledano u Sam Cassar żiedu l-iskor għat-tim tagħhom.
Floriana skorjaw l-uniku gowl tal-logħba permezz ta’ Anson Farrugia.
Umpires kienu Alessandro Amore u Kyran Carabott.