Kien tmiem il-ġimgħa ferm pożittiv għal Qormi Daikin li rebħu ż-żewġ logħbiet tagħhom fil-kategoriji differenti tal-kampjonati tal-hockey.
Fil-Hockey 7s, il-Qriema ddominaw għal kollox il-konfront kontra White Hart tant li rebħu 8-0.
Kif jindika l-iskor, it-tim immexxi minn Steve Tanti kien aggressiv tul il-logħba kollha b’White Hart li ftit setgħu jagħmlu kontra l-qawwa tal-avversarji.
Wyatt Magri, Luca Fsadni u Giorgio Muscat skorjaw doppjetta kull wieħed filwaqt li Nicole Zammit u Ayrton Falzon żiedu tnejn oħra għat-tim tagħhom.
Umpires kienu Alessandro Amore u Keith Calleja.
Fil-kampjonat ta’ taħt is-16-il sena, Qormi Daikin għelbu lil Floriana Young Stars 5-0.
Il-protagonista prinċipali ta’ Qormi kien Giorgio Muscat li kien awtur ta’ ħames gowls.
Umpires kienu Alessandro Amore u Oscar Toledano.
