Qormi Daikin kellhom tmiem il-ġimgħa pożittiv fil-logħbiet lokali tal-hockey hekk kif rebħu żewġ partiti filwaqt li ġew draw f’oħra fil-konfronti li ħadu sehem fihom f’kategoriji differenti.
Fil-kampjonat nazzjonali, il-Qriema rebħu bl-iskor minimu ta’ 1-0 lil GREE Żurrieq Wolves Hotsticks bil-gowl uniku jiġi skorjat minn Steve Tanti.
Umpires kienu James Mizzi u Silvio Peralda.
Fil-Hockey 7s, Qormi għelbu lil White Hart 9-0.
Il-plejer veteran John Williams spikka meta skorja tliet gowls filwaqt li Nicole Zammit kien awtur ta’ doppjetta. Julian Zahra, Wyatt Magri, Giorgio Muscat u Bir Sandhu komplew iżidu l-iskor għat-tim ikkowċjat minn Steve Tanti.
Umpires kienu Dario Cacopardo u Alessandro Amore.
F’logħba oħra mill-Hockey 7s, Rabat għelbu lil Marsaskala Heat 4-3.
Kevin Micallef u Justine Pace Gasan skorjaw doppjetta għar-Rabtin filwaqt li Kane Zammit, Kyron Carabott u Alessandro Piscopo irrispondew għal Marsaskala Heat.
Umpires kienu Dario Cacopardo u Shaun Falzon.
Qormi Daikin u Marsaskala Heat spiċċaw fi draw ta’ 1-1 fil-kategorija ta’ taħt is-16-il sena.
Zachary Farrugia skorja għal Qormi filwaqt li għall-Iskalin kien Nathan Lauri Rodo li sab ix-xibka.
Umpires kienu Oscar Toledano u Alessandro Amore.