Il-plejer ta’ nofs il-grawnd ta’ Olympique Lyon Houssem Aouar jinsab fir-radar ta’ AC Milan. Dan tal-aħħar se jkun qed jiskadilu l-kuntratt f’Ġunju li ġej bir-Rossoneri li qed isegwu sew il-progress tiegħu.
Sadanittant it-trasferiment eventwali ta’ Aouar jista’ jseħħ f’Jannar li ġej. Id-diriġenti Rossoneri qed jevalwaw il-possibbilta’ li jdaħħlu lill-plejer proprjeta tagħhom Yacine Adli fil-ftehim fejn dan bħalissa jinsab misluf ma’ Bordeaux.
Eventwalment Adli jista’ jingħaqad ma’ Lyon b’Aouar li jkun dirett lejn il-belt ta’ Milan.
