Il-coach ta’ Barcelon, Xavi, qal li huwa f’idejn Ousmane Dembele li jiddeċiedi jekk iridx jiffirma ftehim ġdid fil-Camp Nou biex jibqa’ mal-club fuq bażi fit-tul.
Il-kuntratt attwali tal-internazzjonali Franċiż għandu jiskadi fl-aħħar ta’ Ġunju, u kien mistenni li jħalli lill-ġganti Katalani matul it-tieqa tat-trasferimenti ta’ Jannar.
L-iskadenza għaddiet bl-attakkant għadu ma Barcelona, iżda, u rritorna fl-iskwadra fl-aħħar ġimgħat, u kellu rwol ewlieni fil-forma impressjonanti tat-team.
Il-ġganti tal-La Liga issa reġgħu fetħu diskussjonijiet dwar kuntratt ma’ Dembele, u Xavi qal li ftehim ġdid għall-player ta’ 24 sena “jiddependi biss minnu”.
“Ma kellix ilment wieħed dwar Dembele fuq livell professjonali minn meta ħadt it-tmun tal-club. Huwa footballer ta’ ħafna livelli, u għadni naħseb li jista’ jkun l-aħjar fil-pożizzjoni tiegħu fl-Ewropa. It-tiġdid jiddependi biss minnu,” qal Xavi.
Dembele skorja żewġ goals u pprovda disa’ assists f’21 dehra għal Barcelona dan l-istaġun, inklużi seba’ assists u goal wieħed fl-aħħar sitt dehriet tiegħu fil-La Liga.