Huwa mistenni li fil-ħin li ġej se jintemm il-ġuri tal-Albaniż Daniel Muka u l-Maċedonjan Viktor Dragomanski, iż-żewġt irġiel barranin mixlija b’akkużi dwar il-qtil tat-Tabib Chris Pandolfino u s-sieħeb tiegħu Ivor Maciejowski.
Il-każ kien seħħ f’Tas-Sliema fit-18 ta’ Awwissu ta’ ħames snin ilu. L-Imħallef Galea Sciberras bagħtet lil ġurati sabiex jiddeliberaw. Huwa mistenni li fil-ħin li ġej jingħata verdett.
Il-Prosekuzzjoni f’dan il-każ qed titmexxa mill-Avukati Maria Francesca Spiteri u Kevin Valletta mill-Uffiċċju tal-Avukat Ġenerali.
L-Avukati Josè Herrera u Alex Scerri Herrera qed jiddefendu lil Dragomanski, l-Avukat tal-Għajnuna Legali Josette Sultana qed tidher għal Muka, u l-Avukati Joe u Michaela Giglio qed jidhru għall-qraba taż-żewġ vittmi.
