Fil-21 ta’ Diċembru, kontejner ieħor telaq minn Malta lejn il-Grigal tal-Brażil, fejn hemm diversi saċerdoti mid-djoċesi ta’ Għawdex jaħdmu f’diversi parroċċi.
Dun John Mary Cauchi, Dun Jimmy Xerri, Dun Alex Cauchi u Dun Saviour Vella huma fost numru konsiderevoli ta’ saċerdoti u sorijiet reliġjużi Maltin li jinsabu fil-missjoni l’barra minn xtutna.
Dun Alex Cauchi, li issa jinsab responsabbli mill-Moviment Missjunarju Ġesù fil-Proxxmu, se jkun qed jirċievi d-diversi donazzjonijiet mogħtija, fosthom skrivaniji u siġġijiet għal skola f’żona rurali, ħwejjeġ u żraben, sodod u saqqijiet, sufani u ġugarelli.
F’messaġġ fuq Facebook, Dun Cauchi rringrazzja lill-benefatturi kollha li taw l-oġġetti u l-voluntiera involuti, ikluż dawk li taw għajnuna fl-ippakkjar u fit-trasport.
