Minn Cristian Muscat
Kif bdiet l-imħabba tiegħek lejn il-futbol?
L-imħabba tiegħi lejn il-futbol bdiet minn ta’ etá żgħira meta kont immur ma’ missieri u ommi nara lil Ħal Balzan jittrenjaw u jilagħbu.
Iddeskrivi l-esperjenza preżenti tiegħek ma’ Marsa FC.
L-esperjenza tiegħi ma’ Marsa FC hi waħda pożittiva ħafna. Nemmen li għandna tim b’saħħtu u nistgħu nisfidaw għall-promozzjoni għall-Malta Premier.
X’tikkummenta fuq l-andament tat-tim tiegħek matul dan l-istaġun sa issa?
Sa issa naħseb li kellna staġun pożittiv, fejn irbaħna l-maġġoranza tal-logħob.
X’inhuma t-tragwardi tagħkom għal dan l-istaġun?
Li nakkwistaw il-promozzjoni għall-Malta Premier.
Kif tqis il-livell tal-futbol Malti fil-preżent, u kif rajtu jinbidel tul is-snin?
Naħseb li l-livell preżenti qed jitiieb u dejjem qed naraw timijiet iktar kompetittivi minn qabel.
Kif qed tħares lejn il-futur tiegħek fil-futbol?
Il-futur tiegħi diffiċli tipprevedih peró nħossni motivat biex nibqa’ nuri l-kapaċitajiet tiegħi.
Għaddi messaġġ finali lil min jixtieq jagħmel karriera ta’ suċċess fil-futbol.
Ibqgħu aħdmu sakemm tilħqu t-tragwardi tagħkom u l-unika risposta li tistgħu tagħtu lil ħaddieħor hi fil-pitch.