Tmien plejers għaddew għall-kwarti tal-finali taċ-Champion ta’ Malta, wieħed mill-aktar avvenimenti mistennija organizzat mill-Malta Blackball Federation.
Fil-fatt, Glenn Axiaq, Gary Carr, Stephen Mangion, Clint Azzopardi, Clayton Castaldi, Conrad Catania, Miguel Amato u Johan Attard għamluha għal mal-aħħar tmienja tal-kompetizzjoni wara r-rebħiet li kisbu lbieraħ.
Iċ-champion renjanti Johan Attard għeleb lil Kerstin Vella 7-2 f’logħba li kkontrolla sa mill-bidu. Mill-banda l-oħra, Miguel Amato u Clint Azzopardi kisbu rebħiet identiċi ta’ 7-3 konra Mevrick Zammit u Wayne Pace rispettivament.
Kien hemm dominju assolut minn Stephen Mangion li għeleb lil Antoine Schembri 7-0 filwaqt li f’logħbiet ferm inċerti u bilanċjati sal-aħħar, Conrad Catania għeleb lil Miguel Mizzi 7-5, l-istess skor li bih Glenn Axiaq għeleb lil Dielyn Edwards.
Finalment Gary Carr xejn ma sabha faċli sabiex rebaħ lil Lee Grima 7-6.
Sadanittant illum jintlagħbu l-kwarti tal-finali taċ-Champion ta’ Malta b’dan il-programm:
7:30pm
Glenn Axiaq vs Clayton Castaldi
Gary Carr vs Conrad Catania
8:15pm
Stephen Mangion vs Miguel Amato
Clint Azzopardi vs Johan Attard
Il-finali hi skedata li tintlagħab nhar it-Tlieta 20 t’Ottubru fit-8.30pm.