Iċ-champions tal-Ewwel Diviżjoni tal-Boċċi Għaxaq bdew id-difiża tat-titlu li rebħu fl-istaġun li għadda b’rebħa ta’ 21-16 kontra Lija. Ma kinitx logħba faċli għall-Għaxqin hekk kif Lija dejjem baqgħu fil-logħba għalkemm il-preċiżjoni tat-tim rebbieħ kienet notevoli.
Anke Żebbuġ rebħu bl-istess skor lil San Ġwann filwaqt li ċ-champions tas-sena 2024 St Peter’s Żabbar għelbu lil Msida 21-14.
F’aktar riżultati, Santa Venera rebħu 21-15 kontra Buġibba filwaqt li Birkirkara kienu aħjar minn Żurrieq hekk kif rebħu 21-10. finalment Żejtun rebħu 21-12 kontra Qormi San Bastjan.
Sadanittant illum jingħata bidu għall-kampjonat tat-tieni u t-tielet diviżjoni b’dawn il-logħbiet:
It-Tieni Diviżjoni
Marsamxetto – Thalassalejn
Mosta – Qormi San Ġorġ
Birżebbuġia – Ħamrun
Floriana – Senglea
Santa Lucija – Żabbar
It-Tielet Diviżjoni
Marsaskala – Paola Wolves
Kirkop – Fgura
Bormla – Luqa