Iċ-champions Gżira United ġew megħluba minn MFPA 6-3 fl-ewwel ġurnata tal-Veterans Malta FA Premier League.
Kienet logħba ferm bilanċjata fejn minkejja li MFPA kienu minn fuq, dejjem sabu lil Maroons jirrispondu għalkemm lejn l-aħħar kellhom iċedu l-armi.
Il-Malta Football Players Association kellhom lil Jonathan Bondin awtur ta’ tliet gowls filwaqt li Julian Galea, Stephen Wellman u Manuel Sevasta komplew iżidu l-iskor għat-tim tagħhom.
Gżira United sabu x-xibka permezz ta’ tripletta ta’ Kevin Sammut.
Referee kien Lorry Sammut.
F’logħba ferm spettakolari, Hibernians bdew bl-aqwa mod possibbli l-istaġun tagħhom hekk kif għelbu lil Floriana 6-5.
Kienet logħba fejn id-difiżi rispettivi xejn ma kienu attenti għalkemm fl-aħħar mill-aħħar kienu Hibernians li ħadu t-tliet punti importanti.
Johnny Camilleri skorja doppjetta għall-Pawlisti filwaqt li Daniel Fodermayer, Glanville Goodlip, Steven Bonnici u Clayton Micallef aċċertaw ir-rebħa għat-tim tagħhom.
Il-Greens kellhom lil Manolito Micallef li waħdu skorja erba’ gowls b’Dylan Grima li żied ieħor.
Referee kien Jonathan Balzan.
Luxol St Andrew’s għelbu lil Rabat Veterans 2-1.
Glenn Bonello u Tyron Borg kienu l-awturi tal-gowls għat-tim minn St Andrew’s filwaqt li Robert Perkins naqqas il-marġni tal-iskor għar-Rabtin.
Referee kien Jonathan Balzan.
Żurrieq Wolves kisbu rebħa ta’ 3-2 kontra Birkirkara St Helen’s sabiex fetħu bil-kbir il-kampjonat tagħhom.
John Clarence Conger Thompson wettaq doppjetta personali filwaqt li Bjorn Bondin żied ieħor għall-Wolves.
Ayrton Duncan u Federico Tejada Marine skorjaw il-gowls għal Birkirkara.
Referee kien Lorry Sammut.
KLASSIFIKA – VETERANS MALTA FA PREMIER LEAGUE
MFPA, Żurrieq Wolves, Hibernians, Luxol 3, Gżira United, Birkirkara St Helen’s, Floriana, Rabat 0