Il-mexxejja taċ-Ċina u l-Indja ltaqgħu flimkien fejn wegħdu li se jaħdmu biex aktar qrib xulxin wara snin sħaħ ta’ tensjoni.
Il-President Ċiniż Xi Jinpin u l-Prim Ministru Indjan Narendra Modi kellhom laqgħa fil-port ta’ Tianjin waqt li kienet għaddejja l-konferenza tax-Shanghai Cooperation Organisation. Din hija l-ewwel żjara ta’ Prim Ministru Indjan wara diversi snin.
Il-Prim Ministru Indjan Modi, qal li ċ-Ċina u pajjiżu għandhom ikunu sħab u mhux rivali biex b’hekk “jerġa’ jkun hemm atmosfera ta’ stabbilità”
Fost dawk li attendew għal din il-laqgħa għolja hemm il-President Russu Putin flimkien ma’ 20 mexxej ieħor.
Fuq nett tad-diskussjoni f’din il-laqgħa għolja kien hemm it-tariffi li ddaħlu mill-Istati Uniti fuq l-Indja wara li dawn tal-aħħar baqgħu jixtru ż-żejt mir-Russa.
Intant, Modi ħabbar li fiż-żmien li ġej, għalkemm ma ta l-ebda data se jerġgħu jibdew it-titjiriet bejn l-Indja u ċ-Ċina. Dawn it-titjiriet kienu ġew sospiża fl-2020 wara nkwiet li kien hemm minħabba l-fruniera.
Min-naħa tiegħu l-President Ċiniż ukoll qal li hemm bżonn li r-relazzjonijiet bejn pajjiżi u l-Indjan jerġgħu jmorru lura għan-normal u mhux aktar jibqgħu kif inhuma.