Il-koppja Ċiniża, Daoyi Long u Wang Zongyuan, għelbu l-isfida tal-Messikani, Juan Celaya Hernandez u Osmar Olvera Ibara, biex rebħu l-qbiż sinkronizzat minn tliet metri.
Iż-żewġ avversarji telgħu ras imb’ras iżda fl-aħħar round ta’ qbiż, iċ-Ċiniżi kienu qrib il-perfezzjoni biex rebħu b’ 446.10 punti kontra l-444.03 tal-Messikani. Il-Brittaniċi, Anthony Harding u Jack Laugher spiċċaw fit-tielet post meta rreġistraw 438.15 punti.
