Id-Duka u d-Dukessa ta’ Sussex xerrdu ritratt ta’ binthom Lilibet wara li ċċelebraw għeluq l-ewwel sena tagħha. Lilibet tidher titbissem waqt picnic ta’ għeluq is-snin imħejji mill-koppja fi Frogmore Cottage f’Windsor.
Il-Prinċep Harry u Meghan qalu li apprezzaw immens ix-xewqat ta’ għeluq snin binthom li ngħatat isem f’ġieħ ir-Reġina. Ir-ritratt beda jiċċirkola ftit sigħat wara li żaru r-Renju Unit biex jiċċelebraw is-70 sena tar-Reġina Eliżabetta fuq it-tron. Din kienet l-ewwel dehra pubblika tagħhom sa mill-2020.
Il-ġimgħa li għaddiet kellha tkun l-ewwel opportunità għall-monarka biex tiltaqa’ maċ-ċkejkna li twieldet f’Santa Barbara, f’Kalifornja.
