Id-Daniż Mads Pedersen (Lidl–Trek) rebaħ it-tmien stadju tat-Tour de France li kien bejn Libourne u Limoges fuq distanza ta’ 201 kilmetru.
Huwa rreġistra ħin ta’ 4:12:26 hekk kif għeleb l-isfida tal-Belġjani Jasper Philipsen (Alpecin–Deceuninck) u Wout van Aert (Team Jumbo–Visma)li daħlu ras imb’ras. Id-Daniż Jonas Vingegaard (Team Jumbo–Visma) jinsab jillidja l-klassifika ġeneral b’ħin ta’ 34:09:38. Il-Ħadd isir id-disa’ stadju bejn Saint-Leonard-de-Noblat u Puy de Dome, fuq distanza ta’ 182.5 kilometri.
