14-il xahar wara li telaqhom, Ilkay Gundogan reġa’ ingħaqad ma’ Manchester City. Dan kollu seħħ wara li hu ma ġeddidx il-kuntratt ta’ sena li kellu ma’ Barcelona, possibbilment għax ma kienx qed iħossu għal qalbu.
Din l-aħbar ġiet milqugħa tajjeb mid-diriġenti ta’ The Citizens inkluż d-direttur sportiv Txiki Begiristain li sostna kemm Gundogan hu plejer tajjeb ħafna u l-inklużjoni mill-ġdid tiegħu se jagħmilhom tim aktar b’saħħtu.
Fl-ewwel żmien tiegħu ma’ Manchester City, Gundogan lagħab 188 partita u skorja 44 gowl.