Robert Micallef ġie ddentifikata bħala l-ħaddiem jitlef ħajtu wara li ntlaqat minn forklifter dalgħodu.
Hu miet fl-età ta’ 34 sena.
Aktar kmieni: Ħaddiem jitlef ħajtu wara li ntlaqat minn forklifter
Raġel ta’ 34 sena residenti Ħal Qormi, tilef ħajtu meta ntlaqat b’forklifter li kien qed juża f’maħżen, fil-limiti tan-Naxxar.
L-inċident seħħ għall-ħabta tal-10.00am, fi Triq Burmarrad.
Fuq il-post issejjaħ tim mediku flimkien ma’ membri mid-Dipartiment tal-Protezzjoni Ċivili sabiex jassistu, iżda l-ħaddiem sfortunatament ġie ċċertifikat mejjet fuq il-post.
Bil-każ ġie infurmat il-Maġistrat Dr Franco Agius LL.D li fetaħ inkjesta, kif ukoll il-Police Support Response team.
L-investigazzjonijiet mill-Pulizija, flimkien mal-Awtorità għas-Saħħa u s-Sigurtà fuq il-post tax-Xogħol għadhom għaddejjin.
