Lorry Zerafa ta’ 49 sena huwa l-ħaddiema li lbieraħ għall-ħabta tas-7.10 p.m miet fil-fabbrika ta’ Magro Brothers fix-Xewkija Għawdex.
Jidher li Zerafa kien qiegħed iħaddem xi skip loader meta għal xi raġuni spiċċa nqabad bejn il-gabina tat-trakk u ħajt.
Fil-post issejħu minnufih tim mediku mill-Isptar Ġenerali ta’ Għawdex u membri mid-Dipartiment tal-Protezzjoni Ċivili iżda sfortunatament ir-raġel kien iċċertifikat mejjet fil-post.
Dwar dan il-każ infetħet inkjesta li se tkun qiegħda tistabbilixxi x’wassal għal mewt ta’ Zerafa.
L-investigazzjoni min-naħa tal-pulizija qed titmexxa mill-Ispettur Bernard Charles Spiteri.
