Minn stħarriġ li sar fil-Ġermanja irriżulta li l-estremiżmu lemini f’dan il-pajjiż qiegħed jgħolli rasu. Matul is-sena li għaddiet ġie rrappurtat li ġew identifikati xejn inqas minn 32,000 estremist. L-istess stħarriġ juri li dawn l-estremisti illum aktar minn qatt qabel lesti jużaw il-vjolenza.
Il-Ministru tal-Intern, Horst Seehofer flimkien mal-Kap tal-Uffiċċju għal Protezzjoni tal-Kostizzjoni Thomas Haldenwang ippreżentaw studji li saru dwar dawn l-estremisti. Ħareġ li ġew indentifikati 32,080 estremist matul is-sena 2019 fil-Ġermanja u dan ifisser żieda ta’ 24,100 fuq is-sena li għaddiet.
