Wara l-inċident li ġara aktar kmieni din il-ġimgħa li jirrelata żewġt iklieb li attakkaw lil sidhom fl-Imsida, id-Dipartiment għat-Trattament Xieraq tal-Annimali baqa’ jsegwi dan il-każ, biex ikun salvagwardjat il-benesseri tal-annimali konċernati.
Sa ftit tal-ħin ilu, l-uffiċjali mid-Dipartiment għat-Trattament Xieraq tal-Annimali, flimkien mal-Pulizija u l-veterinarji, ikkonfiskaw tmint iklieb li kienu għadhom fil-pussess ta’ Galea u li kienu qegħdin jgħixu f’kundizzjonijiet mhux xierqa.
Min-naħa tagħha s-Segretarju Parlamentari Alicia Bugeja Said qalet li se tibqa’ ssegwi dan il-każ bl-akbar reqqa u konvinta li l-istituzzjonijiet konċernati se jkunu qed jagħmlu dak kollu possibbli sabiex issir ġustizzja.
