Ftit tal-ħin ilu fil-Parlament issejħu numru ta’ Ħaddiema ta’ Protezzjoni Ċivili biex jikkontrollaw nirien li żviluppaw.
Dan is-sit għamel kuntatt mal-kelliema tal-Pulizija fejn filwaqt li kkonfermaw li kien hemm nirien żgħar, dawn ġew ikkontrollati fi ftit ħin.
Xorta waħda bħalissa għad hemm numru ta’ pumiera fuq il-post biex jiżguraw li s-sitwazzjoni ġiet lura għan-normal.
Rapporti fuq il-midja soċjali qalu li x’aktarx dawn in-nirien tkebbsu mis-server room tal-istess Parlament.
Sadanittant, fuq il-post marru wkoll il-Pulizija u anke timijiet mediċi. Dan filwaqt li kellhom jiġu evakwati wkoll il-ħaddiema sakemm is-sitwazzjoni ġiet lura għan-normal.
B’xorti tajba ma weġġa’ ħadd f’dan l-inċident.
