Minn MELVIN FARRUGIA
Il-Bank Ċentrali ta’ Malta qed iwissi li persuna barra minn Malta rċeviet ittra, fejn intalbet tħallas multa b’rabta ma’ flus li kellha fil-kont tagħha u li din il-multa kellha titħallas bi trasferiment fuq kont Bitcoin.
Spjega kif din l-ittra kellha l-emblema tal-Bank Ċentrali ta’ Malta, flimkien ma’ dak tal-Awtorità Malta għas-Servizzi Finanzjarji u dan mingħajr il-permess.
Il-Bank għamilha ċarra li hu ma jibgħatx korrispondenza b’dan il-mod u wissa li din l-ittra ntbagħtet wisq probabbli b’intenzjoni ħażina. Wissa biex kull min jirċievi korrispondenza bħal din joqgħod attent u jirrapporta kwalunkwe ittra suspettuża lill-awtoritajiet ikkonċernati.
