Il-Belarussa seed numru ħamsa, Aryna Sabalenka, rebħet l-ewwel titlu tagħha ta’ Grand Slam singles billi ssieltet lura biex għelbet lil Elena Rybakina tal-Kazakhstan fil-finali tal-Australian Open.
F’konkors assorbenti li wera l-qawwa taż-żewġ players, Sabalenka, 24 sena, ħarġet rebbieħa 4-6 6-3 6-4.
Sabalenka, li rebħet taħt bandiera newtrali minħabba l-appoġġ tal-Belarus għall-gwerra tar-Russja fl-Ukrajna, fajret 51 shots rebbieħa hekk kif il-logħba ta’ riskju għoli tagħha tat il-frott f’Melbourne Park.
Min-naħa tagħha, Rybakina ma rnexxielhiex iżżid it-tieni Slam mat-titlu tagħha ta’ Wimbledon.
Minflok kienet Sabalenka li poġġiet isimha fuq il-lista esklussiva ta’ players biex tirbaħ titlu ewlieni hekk kif wettqet il-potenzjal tagħha li issa ilu jidher.
Sabalenka, li ma setgħetx tikkonverti l-ewwel tliet punti biex tirbaħ it-tournament – ipproduċiet double fault, fajret forehand barra u tat backhand fit-tul – iżda bejniethom żammet in-nervi tagħha billi salvat break point bl-ewwel service kbir mhux ritornat.
Finalment fir-raba’ opportunità, hija qabżet il-linja tat- tmiem meta s-seed 22, Rybakina, laqtet forehand fit-tul barra.
Sabalenka, mimlija ferħ u emozzjoni, waqgħet istantanjament fuq il-court u għattiet wiċċha hekk kif bkiet f’ċelebrazzjoni emozzjonanti.
Wara li rritornat fuq saqajha u għanqet lil Rybakina, marret lejn it-team tagħha għal ċelebrazzjoni li ħalliet ukoll lill-coach tagħha, Anton Dubrov, jibki bla kontroll.
