Matul il-jum tal-bieraħ numru kbir ta’ residenti ġewwa Melbourne rħewlha lejn il-pubs, restoranti u anke ħwienet tas-sbuħija hekk kif din il-belt neħħiet numru ta’ restrizzjonijiet li kienet introduċiet minħabba l-pandemija tal-Covid-19.
Melbourne esperjenzat 262 jum, kważi disa’ xhur, ta’ lockdown. Minn Marzu tal-2020 sal-lum, din il-belt kellha sitt lockdowns separati u b’hekk hija l-iktar belt fid-dinja li damet f’lockdown. Fit-tieni post hemm il-belt kapitali tal-Arġentina Buenos Aires, li din damet 234 jum f’lockdown.
