Ilbieraħ il-Belt Valletta kompliet tieħu l-ħajja fejn għall-ewwel darba fl-aħħar ġimgħat infetħu mill-ġdid il-bars u postijiet oħra ta’ divertiment.
Iċ-Chairman tal-Valletta Cultural Agency, Jason Micallef, laqa’ b’sodisfazzjoni l-entużjażmu għar-ritorn mill-ġdid lejn in-normalità anke jekk dan il-proċess se jsir bil-mod il-mod.
Huwa qal li fil-jiem li ġejjin se jitħabbru diversi attivitajiet u inċentivi bil-għan li l-belt tirkupra kemm jista’ jkun malajr mid-daqqa kiefra li qalet minħabba s-sitwazzjoni li ġabet magħha l-imxija tal-Coronavirus.
Huwa temm jgħid li l-ħidma tal-Aġenzija Kulturali tal-Belt Valletta se tkun daqs jekk mhux aktar minn qatt qabel.