Sar magħruf li l-boxer professjonali Brittaniku Anthony Joshua mhux se jirritorna jiġġieled qabel il-bidu tas-sena d-dieħla wara żewġ telfiet konsekuttivi kontra Oleksandr Usyk.
Bosta qalu li Joshua għadu mhux f’kundizzjoni psikoloġika sabiex jiġġieled għalkemm oħrajn qalu li qed jitħarreġ bis-sħiħ sabiex f’Jannar jiġġieled kontra Joe Joyce jew Daniel Dubois li huma kkunsidrati bħala żewġ heavyweights Brittaniċi.
Magħruf bħala AJ, Joshua għandu total ta’ 27 ġlieda fejn rebaħ 24 minnhom u tilef tlieta minnhom.
