Sa minn Marzu li għadda l-call centres li nħolqu speċifikament għall-pandemija tal-Covid-19 irċevew xejn inqas minn 255,000.
Qal dan id-Deputat Prim Ministru u Ministru għas-Saħħa Chris Fearne f’filmat li pubblika fuq il-midja soċjali.
Filwaqt li rringrazzja lill-ħaddiema kollha ta’ dawn il-call centres, Fearne qal li 93% tat-telefonati ġew imwieġba b’suċċess.
Permezz ta’ dawn it-telefonati ġew ibbukkjati 17,118-il appuntament għal swab tests, filwaqt li saru total ta’ 12,654 arranġament biex jitwassal ikel lil dawk il-persuni li ma setgħux joħorġu minn djarhom fl-eqqel tal-pandemija.
