Il-manager ta’ Tottenham Hotspur, Antonio Conte, iddeċieda li jibqa’ mal-club l-istaġun li ġej fost xnigħat ta’ tluq potenzjali minn mal-club mit-tramuntana ta’ Londra.
Il-manager ta’ 52 sena mexxa lil Spurs għal post fiċ-Champions League għall-istaġun 2022-23 wara li temmew fir-raba’ post fil-Premier League wara l-wasla tiegħu lura f’Novembru li għadda.
Minkejja dan is-suċċess, kienet kibret l-ispekulazzjoni dwar il-futur tat-Taljan fejn kien mifhum li Conte ried serħan il-moħħ dwar l-appoġġ mill-ġerarkija tal-club fis-suq tat-trasferimenti tas-sajf li ġej.
