Julen Lopetegui, iffirma kuntratt ta’ tliet snin biex biex imexxi lit-team ta’ Wolves li bħalissa jinsabu fil-qiegħ tal-klassifika tal-Premier League Ingliż.
L-Ispanjol żvela t-tul tal-kuntratt tiegħu fl-ewwel konferenza stampa tiegħu ta’ Wolves hekk kif sejjaħ lill-attakkant Raul Jimenez biex jagħmel lil Wolves il-prijorità tiegħu qabel il-kampanja tat-Tazza tad-Dinja mat-team nazzjonali tal-Messiku.
Lopetegui ġie ppreżentat lill-media fl-ewwel jum uffiċjali tiegħu hekk kif beda missjoni ta’ ħames ġimgħat u nofs biex idawwar il-fortuni tat-team hekk kif il-kampjonat jissokta wara t-Tazza tad-Dinja.
