Il-FIFA pprojbixxa lill-Belġju milli jilbsu l-flokk ‘vibranti’ tagħhom fit-Tazza tad-Dinja 2022.
Il-kampanja tal-Belġjani tibda nhar l-Erbgħa kontra l-Kanada biex imbagħad jilagħbu kontra l-Marokk u l-Kroazja rispettivament, fi Grupp F.
Iżda ftit jiem qabel ma beda dan it-tournament, il-Belġju ġew sfurzati jagħmlu xi bidliet fil-kit tagħhom fuq ordni tal-FIFA.
Eden Hazard kellu jilbes il-faxxa OneLove sakemm it-Tnejn il-FIFA imponiet li dawk il-captains li jilbsu din il-faxxa bil-kuluri tal-qawsalla, jintwerew il-karta s-safra qabel tibda l-logħba.
Harry Kane, Gareth Bale u Virgil van Dijk kollha għażlu li ma jilbsux il-faxxa wara l-indħil tal-FIFA. Huma riedu jilbsu din il-faxxa bħala solidarjetá mal-komunitá ta’ LGBTQ+.
