Il-Forzi Armati ta’ Malta salvat 3 baħrin li kienu fuq tanker taż-żejt. Għal xi raġuni huma ntilfu minn sensihom u għalhekk intalbet l-assistenza biex jiġu salvati.
Il-tanker li hu twil 239 metru kien qiegħed iġorr żejt mhux raffinat. Fi stqarrija l-AFM qalet li l-baħrin intilfu minn sensihom f’wieħed mit-tankijiet.
Uffiċjal mediku tal-Forzi Armati mar fuq it-tanker u ta l-Ewwel Għajnuna lill-baħrin.
Huma nġiebu Malta fejn qed jingħataw kura l-Isptar Mater Dei.
