Il-Franċiż Victor Lafay (Cofidis) rebaħ it-tieni stadju tat-Tour de France li sar bejn iż-żewġ bliet Spanjoli ta’ Vitoria-Gasteiz u San Sebastian fuq distanza ta’ 209 kilometri. Huwa rreġistra ħin ta’ 4:46:39.
Huwa kellu sfida qawwija mill-Belġjan Wout Van Aert (Team Jumbo–Visma) u s-Sloven Tadej Pogacar (UAE Team Emirates) li spiċċaw fit-tieni u fit-tielet postijiet rispettivament.
Il-Britanniku Adam Yates (UAE Team Emirates) baqa’ jżomm il-flokk l-isfar meta għandu ħin ta’ 9:09:18 … sitt sekondi inqas minn Pogacar.
Illum isir it-tielet stadju mill-belt Spanjola Amorebieta-Etxano għal dik Franċiża ta’ Bayonne fuq distanza ta’ 193.5 kilometri.
