Barcelona u l-futbol Peruvjan jinsab f’luttu wara l-mewt ta’ Hugo Alejandro Sotil Yeren fl-eta ta’ 75 sena. Sotil kien protagonista fis-snin sebgħin kemm bil-flokk tal-Blaugrana kif ukoll mat-tim nazzjonali Peruvjan. Hu lagħab għal diversi snin ħdejn Johan Cruyff u miegħu rebaħ il-kampjonat Spanjol fl-istaġun 1973-74. Baqa’ memorabbli r-riżultat ta’ 5-0 li Barcelona kellhom kontra Real Madrid.
Fl-aħħar tal-karriera tiegħu ngħaqad ma’ Allianz de Lima f’pajjiżu stess fejn rebaħ żewġ kampjonati oħra.
