Chelsea kienu l-club li nefaq l-aktar fl-Ewropa dan l-istaġun, wara li akkumulaw ‘il fuq minn €600 miljun fi ħlasijiet matul iż-żewġ swieq tat-trasferimenti. F’Jannar huma ssiġillaw ftehimiet kbar għal Enzo Fernandez, Mykhailo Mudryk u Noni Madueke, li fihom nefqu ‘l fuq minn €300 miljun.
Wieħed mill-aktar ftehimiet modesti tat-team tal-Premier League kien l-iffirmar ta’ Joao Felix b’self mingħand Atletico Madrid sa tmiem l-istaġun. Il-Portugiż kien ħerqan li jitlaq minn Los Rojiblancos, bit-tkissir tar-relazzjoni tiegħu mal-coach ewlieni Diego Simeone jilgħab rwol kbir fix-xewqa tiegħu li jitlaq.
Chelsea huma rappurtati interessati li jżommu lil Felix fuq bażi permanenti, u l-player innifsu jidher li jrid ukoll l-istess riżultat. Madankollu, dan jista’ jkun dubjuż wara rimarki mill-kap eżekuttiv tal-Premier League, Richard Masters, li ddikjara li Chelsea jridu jbiegħu l-players dan is-sajf sabiex ikunu konformi mar-regoli tal-Financial Fair Play.
Skond MD, mhuwiex l-uniku punt ta’ twaħħil ma’ kwalunkwe ftehim. Atletico jridu jirkupraw daqstant mill-miżata tat-trasferiment ta’ €127 miljun li ħallsu lil Benfica għal Felix fl-2019, iżda Chelsea jridu jħallsu ħafna inqas għall-player ta’ 23 sena peress li ma jistmawhx daqshekk.
Bħala tali, Atletico Madrid iridu jieħdu deċiżjoni qabel is-suq tat-trasferimenti tas-sajf. Huma jeħtieġ li jiddeċiedu jekk ibaxxux it-talbiet tagħhom, jew jistgħu joffru lil Felix lil club ieħor għall-prezz li talbu qabel. Għaldaqstant jidher li l-futur ta’ Joao Felix għadu mhux ċert.
