Il-ġinnasta Russu, Ivan Kuliak, ġie sospiż għal sena wara li libes simbolu tal-gwerra meta kien fuq il-podju, f’avveniment li sar fil-Qatar, f’Marzu li għadda.
Kuliak rebaħ il-bronż fil-finali tal-parallel bars tat-Tazza tad-Dinja, f’Doha, fejn kellu l-ittra ‘Z’ imwaħħla ma’ sidru hekk kif kien ħdejn l-Ukren, Illia Kovtun, li rebaħ id-deheb.
Kuliak issa jrid jirritorna wkoll il-midalja tiegħu, iżda għandu dritt jappella fi żmien 21 jum.
L-ittra ‘Z’ saret simbolika wara l-invażjoni tar-Russja fl-Ukrajna.
Din kienet miżbugħa fuq in-naħa ta’ tankijiet u vetturi militari, kif ukoll kienet tintliber minn politiċi favur il-gwerra fir-Russja.
