L-iżball li wettaq il-goalkeeper ta’ Sassuolo, Andrea Consigli, fit-telfa li kellhom kontra Verona ġab rabja kbira fost il-partitarji Verdeneri hekk kif sewa wkoll ir-riżultat finali.
Bosta partitarji (jew wieħed jista’ jsejħilhom hekk) marru fuq is-siti soċjali u insultaw lill-goalkeeper ta’ 36 sena u saħansitra kien hemm min hedded bil-mewt lil ommu.
Bosta qalu li dan it-theddid kien eċċessiv għalkemm ċerti partitarji bdew isemmu li r-rappreżentant tiegħu hu sostenitur tal-istess Hellas Verona u qalu li hawnhekk kien hawn kunflitt ta’ interess.
Consigli ilu ma’ Sassuolo sa mis-sena 2014.
