Is-servizz tal-Gozo Channel ilu minn sbieħ is-Sibt ma jieqaf xejn biex b’hekk iwassal l-eluf ta’ Maltin li qasmu lejn il-gżira oħt – Għawdex.
Ħaddiema li tkellmu ma’ talk.mt qalulna li huma għamlu dak kollu posibbli biex ma jkunx hemm passiġġieri li jdumu jistennew biex jitilgħu f’Għawdex. Dan għalkemm kien hemm persuni li qalu li damu aktar minn sagħtejn jistennew. Pero dan il-ħin għal ammont kbir ta’ nies huwa wieħed normali.
Illejla n-Nadur mistenni li jkun hemm eluf kbar ta’ persuni fil-karnival spontanju, apparti attivitajiet oħrajn li qegħdin isiru f’Għawdex fi tmiem din il-ġimgħa. Persuni li tkellmu ma’ talk.mt qalulna li llum kien hemm ammont kbir ta’ nies li mlew ir-restoranti ta’ Marsalforn u x-Xlendi fost postijiet oħrajn.
Għada l-Ħadd, hekk kif il-Maltin jibdew jinżlu lura lejn Malta mistenni li jkun hemm dewmien u l-awtoritajiet qegħdin jitolbu lis-sewwieqa biex dejjem isegwu d-direzzjoni li jkunu jagħtu biex fl-ebda post ma jkun hemm konġenzjoni.
