Il-Greċja lbieraħ ħabbret li kienet qed tissospendi t-titjiriet minn u lejn il-Qatar sa nofs Ġunju wara li 12 minn 91 passiġġier li kienu abbord titjira tal-Qatar Airways li nhar it-Tnejn niżlet fl-ajruport ta’ Ateni riżultaw pożittivi għall-coronavirus.
Disa’ mill-passiġġieri pożittivi huma ta’ nazzjonalità Pakistana u li kellhom permess ta’ residenza Grieg. Tnejn oħrajn kienu ta’ nazzjonalità Griega li kienu qed jiritornaw mill-Awstralja, filwaqt li l-persuna oħra huwa ta’ nazzjonalità Ġappuniża.
Il-passiġġieri kollha li kirnu abbord it-titjira ġew ittestjati u tpoġġew fi kwarantina f’lukanda sakemm jinħarġu r-riżultati.
Dawk li rriżultaw pożittivi se jkunu qed jinżammu kwarantina għal ġimagħtejn, filwaqt li dawk li ma jirriżultawx pożittvi se jkunu qed jinżammu fi kwarantina għal ġimgħa bħala prekawzjoni.
Uffiċjali tas-saħħa se jkunu qed jirrepetu t-testijiet fuq il-passiġġieri li jirriżultaw negattiv wara ġimgħa.