Thursday, June 5, 2025

Il-Ġurati jibdew id-deliberazzjonijiet

- Quddiem l-Imħallef Edwina Grima għaddej ġuri b’rabta mal-qtil ta’ Daphne Caruana Galizia u l-Avukat Carmel Chircop

Aqra wkoll

Wara 37 ġurnata, dalgħodu l-ġurati fil-ġuri ta’ Daphne Caruana Galizia u l-Avukat Carmel Chircop bdew id-deliberazzjonijiet tagħhom biex jistabbilixxu jekk l-imputati jinstabux ħatjin jew le.

Kien għall-ħabta tad-9.30am meta l-Imħallef Grima temmet l-indirizz tagħha lejn il-ġurati u bagħatilhom jiddeċiedu dwar il-verdett.

F’dan il-ġuri hemm mixlijin Adrian Agius u Robert Agius (magħrufa bħala Ta’ Maksar), Jamie Vella u George Degiorgio (magħruf bħala “Iċ-Ċiniż”) fejn dawn qegħdin jiffaċċjaw akkużi separati, iżda relatati maż-żewġ omiċidji.

Adrian Agius huwa mixli li ordna l-qtil, u allegatament għamel dan bil-kompliċità ta’ ħuh Robert, kif ukoll Jamie Vella u George Degiorgio.

Filwaqt li Robert Agius u George Degiorgio huma akkużati li pprovdew il-bomba li qatlet lill-ġurnalista.

L-akkużati qegħdin iwieġbu mhux ħatja tal-akkużi.

Il-prosekuzzjoni qed titmexxa mill-Avukati Godwin Cini, Danika Vella, u Anthony Vella, f’isem l-Uffiċċju tal-Avukat Ġenerali.

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport