Fid-dawl tal-iżviluppi fl-aħħar sigħat dwar l-invażjoni tar-Russja fl-Ukrajna, tkellem ukoll il-Ministru Clyde Caruana fejn qal li s’intendi xi ħaġa bħal din ikollha riperkussjonijiet fuq diversi affarijiet madwar id-dinja fosthom il-prezz tal-gass u taż-żejt.
Filwaqt li qal li qed isegwi dak li qed jiġri, il-Ministru Caruana żied jgħid: “Irrid nassigura li l-Gvern se jkun qed jagħmel dak kollu possibbli biex kwalunkwe xokk fil-prezzijijet li jista’ jkun hemm internazzjonali, il-Gvern kif diġà għamel, ikun qed jilqa’ għalih.”
“B’dan il-mod nassiguraw li bl-ebda mod l-ekonomija Maltija ma tkun milquta speċjalment il-but tal-familji Maltin u Għawdxin,” temm jgħid.
