Is-segretarju tal-isport Spanjol jgħid li “jrid li dan ikun il-mument kruċjali tal-football Spanjol” wara li l-gvern beda proċeduri legali li jfittex u jissospendi lill-president tal-federazzjoni tal-football, Luis Rubiales, wara li bies fuq fomm il-player Spanjola, Jenni Hermoso, wara li ġew ippreżentati bil-midalji tar-rebħ tat-Tazza tad-Dinja tan-Nisa wara li għelbu lill-Ingilterra bl-iskor ta’ 1-0.
Rubiales irrifjuta li jirriżenja minkejja pressjoni kbira wara l-imġieba inaċċettabbli tiegħu.
Il-FIFA fetħet ukoll proċeduri dixxiplinarji kontra Rubiales li għandu 46 sena.
Il-moviment ‘Me Too’ qed isemma’ leħnu biex tintemm darba għal dejjem il-vjolenza u l-abbuż kontra n-nisa. Dan il-moviment kien attakka wkoll lill-produttur tal-films Harvey Weinstein li kien akkużat b’bosta reati sesswali – sussegwentement instab ħati u l-ħabs.
“Il-gvern illum jibda l-proċedura biex is-Sur Rubiales ikollu jagħti spjegazzjonijiet quddiem il-Qorti tal-Isport u jekk il-Qorti tal-Isport taqbel, nista’ nħabbar li s-Sur Rubiales se jiġi sospiż mill-funzjonijiet tiegħu,” qal Victor Francos, is-segretarju tal-isport tal-Kunsill Nazzjonali tal-Isport immexxi mill-istat.
“Irid ikun hemm bidla. Il-gvern irid iwissi, ikun ċar ħafna u jgħid li hemm affarijiet li ma jistgħux jerġgħu jiġru.”
Il-Kunsill tal-Isport ma jistax jissospendi lil Rubiales sakemm il-qorti ma tiddeċidiex li l-bewsa tikser il-kodiċi tal-isport professjonali.
Rubiales bies lill-attakkant ta’ Spanja waqt iċ-ċerimonja tal-preżentazzjoni wara l-finali tat-Tazza tad-Dinja, f’Sydney. Iktar tard fuq il-midja soċjali, hija qal li din il-mossa ta’ Rubiales “Ma għoġbitni xejn.”
Huwa skuża ruħu aktar kmieni din il-ġimgħa u kien mistenni li jħabbar ir-riżenja tiegħu f’assemblea ġenerali straordinarja msejħa mill-federazzjoni, iżda minflok huwa wiegħed li “jiġġieled sal-aħħar”.
Huwa talab ukoll apoloġija wara li qabad il-parti privati tiegħu waqt li kien qed jiċċelebra fiż-żona VIP fl-Istadium Australia, bir-Reġina Letizia ta’ Spanja u bintha ta’ 16-il sena, raw kollox ta’ dak li kien qed jiġri.
L-aġent Ministru tax-Xogħol ta’ Spanja Yolanda Diaz qalet: “Dak li rajna llum fl-Assemblea tal-Federazzjoni huwa inaċċettabbli. Il-Gvern irid jaġixxi u jieħu miżuri urġenti. L-impunità għal azzjonijiet aggressivi mill-irġiel spiċċat. Rubiales ma jistax ikompli fil-kariga.”
L-Aġent Ministru tad-Drittijiet Soċjali, Ione Belarra, żiedet tgħid: “Il-kunsens mhuwiex deċiż mill-aggressur, huwa deċiż mill-mara. Id-diskors vjolenti u mafjuż tas-Sur Rubiales mhux se jaħdem kontra pajjiż li diġà nbidel. Kulħadd diġà jaf x’tip ta’ bniedem hu.”
