Il-gwerra fil-Lvant Nofsani daħlet fit-tieni ġimgħa tagħha. Matul il-lejl ta’ bejn is-Sibt u l-Ħadd, nar qawwi ħakem torri fil-Kuwajt filwaqt li attakki bil-missili u drones kienu qed jiġu rrapportati madwar il-golf.
Fis-sigħat li għaddew, il-President Amerikan Donald Trump akkuża lill-Prim Ministru Ingliż li qed jipprova jingħaqad fi gwerer wara li “huma diġà rebħu” u qal li m’għandux bżonn l-aircraft carriers tar-Renju Unit. Huwa għamel dawn il-kummenti fid-dawl li l-aircraft carrier HMS Prince of Wales tqiegħed bil-lest biex jintuża għall-gwerra.
F’Tehran, ħażniet taż-żejt intlaqtu minn attakki Iżraeljani u ġew irrapportati ħafna splużjonijiet u duħħan qawwi.
