Il-General Workers’ Union kisbet l-għarfien ewlieni fl-Aġenzija għas-Servizzi tal-Enerġija u Ilma wara li proċess ta’ verifika kkonkluda li l-Union għandha l-maġġoranza tal-impjegati ngaġġati fl-istess Aġenzija.
F’dawn l-aħħar jiem, il-GWU kienet informata mid-DIER li hija tgawdi l-appoġġ tal-maġġoranza tal-impjegati u għalhekk ngħatat l-għarfien ewlieni.
Kendrick Bondin, Segretarju, Gvern u Entitajiet Publiċi qal li t-Taqsima diġà mxiet għall-pass li jmiss biex jibdew isiru laqgħat kostruttivi bejn il-GWU u l-Maniġment tal-Agenzija sabiex jiġu diskussi l-kundizzjonijiet tal-ħaddiema u jintlaħaq ftehim kollettiv.
